Жоғары лауазымды шенеунік 100 млн теңге пара үшін Қазақстанның шекарасынан контрабанда өткізген (ВИДЕО)

Ұлттық қауіпсіздік комитеті мемлекеттік шекара арқылы тауарды заңсыз импорттау арнасының жолын кесті. Қылмысқа қатысы бар деген күдікпен БҚО мемлекеттік кіріс департаментінің шенеунігі мен Астана тұрғыны ұсталды, деп хабарлайды Azattyq Rýhy.

«Сот санкциясымен Батыс Қазақстан облысы Мемлекеттік кіріс департаментінің басқарма басшыларының бірі мен елорда тұрғыны ұсталып, қамауға алынды. Олар ақшалай сыйақыға елге халық тұтынатын тауарларды кедергісіз әкелу үшін шетелдік азаматтарға көмек көрсеткен. Олардың 100 млн теңгеден астам пара алғаны процестік тұрғыдан құжатталған», - делінген ҰҚК хабарламасында.

Алдын ала есеп бойынша мемлекетке 1,9 млрд теңге шығын келген.