Парақорды ұстап берген адамға 10 миллион теңгеге дейін сыйақы берілуі мүмкін

Сыбайлас жемқорлыққа қарсы іс-қимыл Агенттігі Үкімет қарауына осындай ұсыныс енгізіп отыр.

«Егер пара немесе мемлекетке келген залал көлемі 2,5 млн теңгеден асса, осы соманың 10 пайызын, бірақ, ең шекті деңгейден аспайтын (10 млн теңгеден) сыйақы тағайындау ұсынылып отыр», - деді Алик Шпекбаев өз баяндамасында.

Оның айтуынша, бұл ұсынысты мемлекеттік органдардың бәрі қолдаған, сондықтан, өзгеріс жақын арада Үкіметтің тиісті қаулысына енгізіледі.

Кенжекей Тоқтамұрат, Нұр-Сұлтан