«Ауыл» партиясының өкілдері Қарағанды облысы тұрғындарымен кездесті

26 желтоқсан күні «Ауыл» партиясының құрамында Мәжіліс және мәслихат депутаттығына кандидаттар Қ.Айтуғанов, Т. Зейнуллина, К. Алияқпарова, И. Скуловец, Г. Крапивенко және М.Андреева бар үгіт-насихат тобы «Ауылдан ауылға» акциясы аясында «Найдоровское» ЖШС-да болып, Қарағанды облысы Осакаров ауданы «Ақпан» ауылының тұрғындарымен кездесті, деп хабарлайды Azattyq Rýhy тілшісі.

Ауыл тұрғындарымен кездесу кезінде кандидат Т.Зейнуллин «Ауыл» партиясы ауыл мен ауыл шаруашылығын дамытуды басты басымдық ретінде айқындағанын атап өтті. «Ауыл» өкілі соңғы 20 жыл ішінде мемлекет экономикасын индустрияландырумен ғана айналысқанын және осыған орай ауыл проблемалары шешілмегенін айтты. Қолайсыз жағдайларға, жұмыссыздыққа, мектептер мен ауруханалардың жабылуына байланысты көптеген адамдар ауылдарын тастап, жақсы өмір іздеп қалаларға көшеді. Оның пайымдауынша, ауылдар қираған күйінде қалып қойса, қалалардың проблемасы шешілмейді.

Ауыл тұрғындары «Ауыл» партиясы өз ісін және ауылдық елдімекендердің проблемаларын қалай тиімді шешу керектігін біледі» деген ортақ пікірге келді.

«Найдоровское» ЖШС аралау барысында Мәжіліс депутаттығына кандидат Қайрат Айтуғанов кәсіпорын қызметкерлеріне партияның Қазақстанды аграрлық елге айналдыруға шақыратынын айтып, осы трансформацияны қаржылық қамтамасыз ету туралы өз ойымен бөлісті. Қазіргі уақытта шаруалардың көпшілігі үшін субсидиялар мен жеңілдетілген несиелер алу әлі қолжетімді емес екені белгілі. Оларсыз ауыл шаруашылығымен айналысу өте қиын. Айтуғанов Қазақстанда несиені 20 және одан да көп жылға беруге болады, оның үстіне ең төменгі пайызбен (2%), ал ауыл тұрғындары үшін қаржы өнімдерін, тіпті, кепілсіз етуге болады деп есептейді. Мәселе мынада, шенеуніктер мен қаржы институттарының басшылары мұндай батыл шешім қабылдауға қауқарсыз. «Ауыл» бұған азық-түлік қауіпсіздігі туралы заң қабылдау арқылы қол жеткізуге ниетті. Ұсынылып отырған заң жобасының негізгі мақсаты аграрлық саланы экономиканың басқа салаларынан басым деп тану және оның субъектілеріне - үй шаруашылықтарынан бастап қайта өңдеу кәсіпорындарына дейін сөзсіз қолдау көрсету.

«Ауылдықтар» партияның сайлауалды бағдарламасы жүзеге асырылып, нақты шараларға негізделетініне сенімді. Жанар-жағармай мен жемшөпті субсидиялау жөніндегі ұсыныстарымыз өте өзекті. Азық бағасының жоғары болуына байланысты ауыл тұрғындарына мал саны он есе көп шаруашылық жүргізуші субъектілерді айтпағанда, тіпті жеке қосалқы шаруашылықтарда да жануарларды ұстау қиынға соғады», - деп қорытындылады Қ.Айтуғанов.

«Ауыл» партиясынан Осакаров аудандық мәслихатының депутаттығына кандидат Галина Крапивенко «Ауыл» партиясының әлеуметтік мәселелерді шешу жөніндегі жоспарлары туралы егжей-тегжейлі айтып берді.

Қазіргі уақытта балалы отбасыларды әлеуметтік қолдау 6 жәрдемақы төлемдерімен ұсынылған. Төлемдердің мөлшері туылған, тәрбиеленетін, бірге тұратын балалардың санына байланысты. Тек жиырмаға дейін түрінен ғана. Ауыл тұрғындарына аудандық әлеуметтік көмек көрсету орталығына құжаттар жинау үшін қайта-қайта бара беру қиындық туғызалды. Көбісі одан шаршайды және тіпті әлеуметтік көмек алуға тырыспайды.

«Ауылдықтардың» сөзін қолдаған «Ақпан» ауылының әйелдері балалы отбасыларға мемлекет қолдауына үміткер болу үшін өз табысының төмен деңгейін дәлелдеуге тура келетініне наразылық білдірді. Олардың пікірінше, бала тууына байланысты, бала бір жасқа толғанға дейін оның күтіміне байланысты төленетін әлеуметтік төлемдер қысқа мерзімді және ештеңеге жетпейді.

Естеріңізге сала кетейік, «Ауыл» партиясы өзінің сайлауалды тұғырнамасында отбасындағы балалар саны мен табыс деңгейіне қарамастан, әрбір балаға 18 жасқа толғанға дейін жәрдемақы төлеуді ұсынады.