ШұғылҚазақстанда өткен тәулікте тағы 272 адамнан коронавирус анықталды

Тоқаев Пәкістан президентіне көңіл айтты

Пәкістанда бортында жүзге жуық адам бар ұшақ апатқа ұшыраған еді

Фото: akorda.kz

Қазақстан Республикасының Президенті Қасым-Жомарт Тоқаев Пәкістан Президенті Ариф Алвиге көңіл айтты, деп хабарлайды Azattyq Rýhy тілшісі Ақорданың баспасөз қызметіне сілтеме жасап.

Мемлекет басшысы Қазақстан халқының және жеке өзінің атынан Карачи қаласының «Джинна» халықаралық әуежайы маңында апатқа ұшыраған ұшақта қаза тапқан және зардап шеккен адамдарға байланысты Пәкістан Президенті Ариф Алви мен сол елдің халқына көңіл айтып, жеделхат жолдады.

«Жантүршігерлік апатта жақындарынан айырылған отбасылардың қайғысына ортақпын. Қаза қайырлы болсын. Жаратқан марқұмдардың жатқан жерін жайлы етсін. Ал жарақат алғандардың тезірек сауығып кетуіне тілектеспін», – делінген жеделхатта.

Естеріңізге сала кетсек, Pakistan International Airlines (PIA) жолаушылар ұшағы Карачи қаласына жақын маңда апатқа ұшыраған еді. Бортта жүзге жуық жолаушы болған.

Сұхбат
Екінші дүниежүзілік соғысқа қазақ даласынан 1,3 млн жауынгер аттанған
Англия, Түркия, АҚШ елдеріндегі қазақтар жағдайды баяндады
Америкада маскасыз жүргендерге 1 мың доллар айыппұл салынады