Тоқаев Фумио Кишидамен телефон арқылы сөйлесті

Зілзалаға байланысты жапон халқына сабыр тіледі

Фото: Ақорда

Қазақстан Президенті Жапония премьер-министрімен телефон арқылы сөйлесті, деп хабарлайды Azattyq Rýhy.

Қасым-Жомарт Тоқаев Жапонияда болған жер сілкінісіне байланысты жапон халқына сабыр тілеп, табиғат апатының салдары ауыр болмайды деп үміттенетінін айтты.

Өз кезегінде Фумио Кишида Қазақстанға ресми сапарын, соның ішінде «Орталық Азия+Жапония» диалогының бірінші саммитіне қатысуын амалсыздан кейінге шегергенін өкінішпен жеткізді.

Әңгімелесу барысында Қасым-Жомарт Тоқаев пен Фумио Кишида қазақ-жапон қатынастарының қазіргі жай-күйі мен даму перспективасын талқылап, өңіраралық ықпалдастық мәселелері жөнінде пікір алмасты.

Мақалада

#Қасым-Жомарт Тоқаев #Жапония #ақорда

Алдыңғы жаңалық

Грекияда өрт шығарған олигарх қазақтар жазаланбайтын болды