Мемлекет басшысы Дархан Кәлетаевқа бірқатар тапсырма берді

Қасым-Жомарт Тоқаев Қазақстанның Украинадағы жаңадан тағайындалған елшісі Дархан Кәлетаевты қабылдады, деп хабарлайды Azattyq Rýhy Ақорда сайтына сілтеме жасап.

Кездесу барысында екі ел арасындағы стратегиялық байланыстарды одан әрі дамыту, сауда-экономикалық қатынастарды жандандыру, IT технология саласындағы ықпалдастықты арттыру мәселелері сөз болды.

Кездесу соңында Қасым-Жомарт Тоқаев Дархан Кәлетаевқа бірқатар нақты тапсырма берді.

Еске сала кетсек, Дархан Кәлетаев Қазақстан Республикасының Украинадағы елшісі қызметіне тағайындалған болатын.