Палымбетовтың орнын Жүрсінов басты
Қазақстан кәсіпкерлерінің құқықтарын қорғау жөніндегі уәкіл тағайындалды
Мемлекет басшысының өкімімен Болат Әбілқасымұлы Палымбетов Қазақстан кәсіпкерлерінің құқықтарын қорғау жөніндегі уәкіл қызметінен босатылып, оның орнына Рустам Манарбекұлы Жүрсінов тағайындалды.
Рустам Жүрсінов 1999-2002 жылдары Мемлекеттік кіріс министрлігінде қызмет атқарған. 2015 жылдан бері «Атамекен» ҰКП төрағасының орынбасары болған.
Ал, Болат Палымбетов уәкіл лауазымындағы мерзімінің аяқталуына байланысты қызметінен босатылды.
«ҚР Кәсіпкерлік кодексінің 312-бабына сәйкес Қазақстан кәсіпкерлерінің құқықтарын қорғау жөніндегі уәкіл лауазымындағы мерзімнің аяқталуына байланысты Болат Палымбетов өз еркімен қызметінен босату туралы өтініш жазды. Президент бизнес-омбудсменнің өтінішін қанағаттандырды», - делінген «Атамекен» ҰКП баспасөз қызметі хабарламасында.
