Иранның әуе шабуылынан 80 адам қаза тапты – БАҚ

Әскери базаға жасалған шабуылдың видеосы да шықты

«РИА Новости» ақпараттық агенттігі Ирактағы екі бірдей АҚШ әскери базасына әуеден жасалған шабуылдан қаза тапқандар саны 80 адам екенін жазды. Агенттік Иранның «Press TV» порталының Твиттер парақшасына сілтеме жасаған.

Алайда, жарылыс видеосын жариялаған Press TV қайтыс болғандар санын БАҚ өздігінен тексере алмайды деген ескерту қалдырған.

Еске салайық, генерал Қасем Сүлейменидың өлімінен кейін, бүгін Иран Ирактағы АҚШ-тың Эйн-аль-Асад және Эрбил әскери базаларын зымыранмен атқылады.

Рейтерс агенттігі шабуыл нәтижесінде бірде-бір Норвегия сарбазы жапа шекпегенін жазды. Агенттікке сұхбат берген Бриньяр Стордаль Ирактағы әскери базада 70 норвег сарбазы бар екенін айтқан.

Мақалада

#жарылыс #АҚШ пен Иран

Алдыңғы жаңалық

Иранда есепте тұрған Қазақстан азаматтарының саны белгілі болды