Иранда есепте тұрған Қазақстан азаматтарының саны белгілі болды

Сыртқы істер министрлігінің хабарлауынша қазіргі уақытта қазақстандық консул консулдық есепте тұрған Қазақстан Республикасының барлық азаматтарымен байланысып жатыр. Министрлік Иранда ресми тіркелген азаматтар жөнінде ақпаратпен «Телеграм» каналда бөлісті.

«Бүгінгі таңда Иранда Қазақстан Республикасының 174 азаматы тіркелген»,- делінген хабарламада.

АҚШ пен Иран арасындағы ушыққан жағдайға байланысты Президент кеңесшісі Ерлан Карин Facebook парақшасында қазақстандық балалар қауіпті ошақтан дер кезінде шығарылғанын жазды. Саясаттанушы соңғы рет Ирактан оралған 14 бала туралы видеомен бөліскен.