Қазақстанда мемқызметтерді «бір терезе» қағидаты арқылы көрсету деңгейі 96%-ға жеткізілді

Azattyq Rýhy

Премьер-министр өз сөзінде «Е-өтініш» ақпараттық жүйесі іске қосылғанын айрықша атап өтті

Мемлекеттік қызметтерді «бір терезе» қағидаты арқылы көрсету деңгейі 96%-ға жеткізілді. Бұл туралы Премьер-министр Асқар Мамин «Nur Otan» партиясының саяси кеңес отырысында айтты, деп хабарлайды Azattyq Rýhy.

Премьер-министр өз сөзінде «Е-өтініш» ақпараттық жүйесі іске қосылғанын айрықша атап өтті. Ал «бір терезе» қағидаты арқылы мемлекеттік қызметтерді көрсету деңгейі 96%-ға жеткізілді (2020 ж. – 90%).

«Азаматтардың заңды құқықтарын қорғауға және халықтың құқықтық сауаттылығын арттыруға бағытталған Құқықтық саясат тұжырымдамасы қабылданды. Ал осындай бастамалардың басы-қасына 49 мың волонтер жұмылдырылды», - деді Асқар Мамин.

Айта кетейік, саяси кеңес отырысында Премьер-министр дәрігерлердің орташа жалақысы 320 мың теңгені құрайтынын мәлім етті.

×
Бұл желілік ресурстың ақпараттық өнімдері 18 жастан асқан адамдарға арналған.