Солтүстік Корея жаңа зениттік зымыранын сынақтан өткізді

Солтүстік Корея жаңа зениттік зымыранын сынақтан сәтті өткізгенін мәлімдеді, деп хабарлайды Оңтүстік Кореяның Yonhap News агенттігі.

«КХДР қорғаныс ғылымдары академиясы 30 қыркүйекте ұшыру қондырғысының, радардың және жауынгерлік басқарудың кешенді машинасының тиімділігін, сондай-ақ осы зымыранның жан-жақты жауынгерлік сипаттамаларын растау үшін өзі жасаған жаңа зениттік зымыранды сынақтан өткізді», - делінген Солтүстік Кореяның ресми орталық ақпарат агенттігі хабарламасында.

Солтүстік Корея зымыранын сейсенбіде ұшырды деп хабарланды. Артынша Солтүстік Кореяның орталық телеграф агенттігі Хвансон-8 зымыранының сынақтан сәтті өткені жайлы ақпарат таратты.

«КХДР қорғаныс ғылымдары академиясы жаңа зымыранның ерекше сипаттамаларын растады, ол зымыранды басқару жүйесі арқылы жылдамдығымен және дәлдігімен ерекшеленеді. Себебі ол «екі рульді басқару технологиясы» және «екі импульстік ұшақ» кіретін жаңа технологияларды енгізді. Зымыранды жұмысшы партиясының Саяси бюросы президиумының мүшесі Пак Чон Чон басқарды. Ал көшбасшы Ким Чен Ын оған қатысқан жоқ», - делінген Yonhap News агенттігі.

Ал Ресейдің РИА агенттігі Приморьеде – КХДР-мен шектесетін жалғыз Ресей аймағында радиациялық фондағы өзгерістер болмағанын хабарлады.

Приморск өлкесіндегі радиациялық фон өзгерген жоқ. Жұма күні таңертең Примгидромет мәліметтері бойынша 10-12 мкР/сағ құрайды, бұл әдеттегі көрсеткіштерге сәйкес келеді. Ақпарат сағат сайын жаңартылып отырады.

КХДР бұған дейін 28 қыркүйек күні зымыран ұшырды. Содан кейін Солтүстік Кореяның орталық телеграф агенттігі Хвансон-8 гиперсониялық зымыраны сынақтан сәтті өткенін хабарлады.

КХДР 15 қыркүйек күні Жапония теңізіне қарай екі баллистикалық зымыран ұшырды, олар 800 шақырымды 60 шақырым биіктікте немесе одан да биігірек ұшты. Сондай-ақ, 11-12 қыркүйекте алыс қашықтықтағы қанатты зымырандар сыналды, олар 1500 шақырым ұшты.

Бұған дейін КХДР қаңтарда және наурыз айының соңында зымыран сынақтарын өткізген. Атап айтқанда, 21 наурызда Сары теңізге екі қанатты зымыран ұшырылды, ал 25 наурызда Жапония теңізіне екі қысқа қашықтықтағы баллистикалық зымыран жіберілді.

Айта кетейік, Солтүстік Корея мен Оңтүстік Корея арасындағы байланыс 2019 жылдан бері тоқтап қалды.