Қытай елшісі қазақстандықтардың өтінішіне жауап берді

Қазақстандықтар туыстарымен қауышу туралы өтініш білдірген

Фото: kz.china-embassy.org/

ҚР Сыртқы істер министрінің бірінші орынбасары Шахрат Нұрышев ҚХР елшісі Чжан Сяомен кездесіп, екі ел арасындағы өзекті мәселелерді талқылады.

ҚР СІМ баспасөз қызметі мәлім еткендей, кездесу барысында маңызды тақырыптар көтерілген. Атап айтқанда, ҚХР-да тұратын туыстарымен қайта қосылуларына жәрдемдесу туралы Қазақстан азаматтарының өтініштері талқыланды.

Елші Чжан Сяо өтініш білдіргендердің туыстары ҚХР азаматтары екенін және ел заңнамасын бұзуына орай жазаларын өтеп жатқанын хабарлады.

Кездесу қорытындысы бойынша тараптар халықаралық құқық қағидаттарына сәйкес консулдық қызметтер желісі бойынша бірлескен жұмысты жалғастыруға келісті.

Мақалада

#Шахрат Нұрышев #Қытай #елші #Чжан Сяо

Алдыңғы жаңалық

Тоқаев қазақстандықтарды Көрісу күнімен құттықтады