Қазақстан Қырғызстанға қандай көмек жібереді?

Қазақстан Қырғызстанға COVID-19-бен күресу үшін медициналық бұйымдар жібереді,  деп хабарлайды Azattyq Rýhy Премьер-министр сайтына сілтеме жасап. 

Қазақстан Республикасының Президенті Қасым-Жомарт Тоқаевтың тапсырмасы бойынша ҚР Үкіметі коронавирус инфекцияcымен күрес аясында Қырғыз Республикасына гуманитарлық көмек көрсетеді. 

Қырғызстанға өкпені жасанды желдету (ӨЖЖ) мобильді аппараттарының 400 жиынтығы және Қазақстан кәсіпорындарында өндірілген 2 млн медициналық маска жеткізіледі. 

Шешім қырғыз тарапының халықты медициналық бұйымдармен қамтамасыз ету мақсатында ресми түрде жүгінуіне байланысты қабылданды.

Бұған дейін Мемлекет басшысы Қасым-Жомарт Тоқаев пен Өзбекстан президенті Шавкат Мирзиеев Қырғызстанға экономикалық және гуманитарлық көмек көрсетуге уағдаласқан болатын.