ШұғылКоронавирусқа шалдыққан 30 науқастың жағдайы аса ауыр – ДСМ

Қазақстан мен Оңтүстік Корея басшылары екі елдің экономикалық ынтымақтастығына жоғары баға берді

Қазақстан Президенті Қасым-Жомарт Тоқаев Оңтүстік Корея Президенті Мун Чжэ Инмен телефон арқылы сөйлесті

 

Қазақстан Президенті Қасым-Жомарт Тоқаев Оңтүстік Корея Президенті Мун Чжэ Инмен телефон арқылы сөйлесті, деп хабарлады Ақорданың ресми сайты.

Мемлекеттер басшылары Қазақстан Республикасы мен Корея Республикасы арасындағы стратегиялық серіктестіктің қазіргі жағдайы мен оны нығайтудың перспективаларын талқылады. Қасым-Жомарт Тоқаев пен Мун Чжэ Ин Оңтүстік Корея басшысының 2019 жылы сәуірде елімізге жасаған мемлекеттік сапары аясында бекітілген уағдаластықтардың нәтижесінде қол жеткізілген табысты экономикалық ынтымақтастыққа жоғары баға берді

«Президент Мун Чжэ Ин Алматы қаласында Hyundai жеңіл автокөліктерін шығаратын зауыттың ашылғанын ерекше атап өтті», - делінген хабарламада.

Мемлекет басшысы Қасым-Жомарт Тоқаев пандемия салдарына қарамастан тауар айналымының жоғары қарқынына көңілі толатынын білдірді.

Екі ел Президенттері халықаралық ұйымдардың, атап айтқанда Дүниежүзілік сауда ұйымы мен МАГАТЭ аясында екі ел ынтымақтастығының нығая түскенін айтты. 

Әңгімелесу барысында коронавирус пандемиясына қарсы күрестегі табысты ынтымақтастық мәселелері де талқыланды.

Президент Мун Чжэ Ин Қасым-Жомарт Тоқаевты Корея Республикасына келесі жылы сапармен келуге шақырғанын нақтылады.