Шұғыл26 қазаннан бастап Қазақстанға ұшып келген жолаушылардың бәрінде ПТР анықтамасы болуы керек

Жээнбеков экс-президент мәртебесін алды

Президенттік билік қолына өткен Садыр Жапаров жарлыққа қол қойды

Фото: kabar.kg

Қырғызстан президентінің міндетін атқарушы Садыр Жапаров кеше отставкаға кеткен Сооронбай Жээнбековке қатысты Қырғыз Республикасының экс-президенті туралы жарлыққа қол қойды.

Еске сала кетейік, 15 қазанда Қырғызстан президенті Сооронбай Жээнбеков отставкаға кету туралы шешім қабылдады.

Қырғыз Республикасы конституциясына сәйкес, президент өз өкілетін мерзімінен бұрын тоқтатқан жағдайда билік парламент төрағасына өтеді. Алайда, Жогорку Кенеш төрағасы президент өкілеттігін орындаудан бас тартып, жоғарғы билік Қырғызстан премьер-министрі Садыр Жапаровтың қолына өтті.