Тоқаев Грекия президентіне құттықтау жеделхатын жолдады

Ол Грек Республикасының Тәуелсіздік күнімен құттықтады

Фото: Ақорда

Мемлекет басшысы Қасым-Жомарт Тоқаев Грекия Президенті Константинос Тасуласқа құттықтау жеделхатын жолдады, деп хабарлайды Azattyq Rýhy Ақордаға сілтеме жасап.

Президент Қасым-Жомарт Тоқаев Константинос Тасуласты Грек Республикасының ұлттық мерекесі – Тәуелсіздік күнімен құттықтады.

«Қазақстан мен Грекия арасындағы достық пен өзара ынтымақтастыққа негізделген қатынастардың тұғыры берік, әлеуеті зор екенін атап өткім келеді. Болашақта да сан қырлы ынтымақтастығымыз халықтарымыздың игілігі үшін беки түседі деп сенемін», – делінген жеделхатта.

Қасым-Жомарт Тоқаев Константинос Тасуластың аса жауапты қызметіне толайым табыс, ал Грекия халқына құт-береке тіледі.

Мақалада

#Қасым-Жомарт Тоқаев #ақорда #Тәуелсіздік күні #Грекия #құттықтау

Алдыңғы жаңалық

Тоқаев халықты тазалық эстафетасына белсене қатысуға шақырды