Тоқаев 500 қылмыстың бетін ашқан тергеуші әйелге алғыс жариялады

Бүгін құқық қорғау органдарының кеңейтілген алқа мәжілісінен кейін президент Қасым-Жомарт Тоқаев 500-ден астам ауыр қылмыстың бетін ашқан тергеуші әйелге алғыс жариялады, деп хабарлайды Azattyq Rýhy.

Ақорданың мәліметіне сүйенсек, полиция майоры Жанна Шешмуханова 2013 жылдан бері жарты мыңға жуық қылмысты тергеген екен.

«2013 жылдан бері 500-ден аса күрделі істі ашқан Алматы қаласы Полиция департаментінің аса маңызды істер жөніндегі аға тергеушісі, полиция майоры Жанна Шешмухановаға кәсібилігі мен адалдығы үшін Алғыс жарияланды», - деп хабарлайды Ақорда.

Айта кетейік, бұған дейін хабарлағынымыздай, өрт сөндіруші Асқар Забикулиннің жесірі де бүгін президенттің қолынан алғыс алды.