Атырау облысында еңгезердей ер адам көшеде іш киімсіз серуендеп жүрген (ВИДЕО)
Оның видеосы әлеуметтік желіде жарияланды
Атырау облысының Береке шағынауданында ер адамның ішкі киімсіз серуендеп жүрген видеосы тарады, деп хабарлайды Azattyq Rýhy.
Береке шағынауданының тұрғындары ер адамның аулада ішкі киімсіз серуендеп жүргенін айтып шағымданды. Бұл ауданның ата-аналары мен тұрғындары ерекше алаңдаушылық білдірді.
Оны көргендер мінез-құлқы дұрыс екенін, бірақ оның әрекеттері қоғамдық тәртіпті бұзатынын атап өтті:
«Балалар үшін қауіптенеміз. Ол кез келген уақытта пайда болуы мүмкін, және оның қалай әрекет ететінін ешкім білмейді», — деді тұрғындардың бірі.
Тұрғындар құқық қорғау органдарынан тиісті шара қабылдап, мүмкін болатын оқиғалардың алдын алу үшін тексеріс жүргізуді сұрайды.
Агенттік тілшісі оқиғаға қатысты облыстық Полиция департаментіне сұрау салып, ресми жауап алды. Тәртіп сақшыларының айтуынша қоғамдық тәртіпті бұзған ер адам қамауға алынды.
«Полиция қызметкерлері қоғамдық орында жалаңаш жүрген 1964 жылы туылған құқық бұзушыны дереу ұстап, оған қатысты ҚР ӘҚБтК-нің 434-бабы («Ұсақ бұзақылық») бойынша әкімшілік хаттама толтырды. Ер адам уақытша ұстау орнына қамалды.
Аталған азаматтың профилактикалық және медициналық есепте тұрмайтыны анықталды.
Атырау облысының полиция департаменті азаматтарды қоғамдық тәртіпті сақтауға және айналасындағыларға құрметпен қарауға шақырады», – делінген Атырау облысының Полиция департаменті таратқан хабарламада.
