ШұғылҚазақстанда маусым айында пневмониядан 628 адам қайтыс болды

Алматы қаласының карантинге жабылатыны туралы ақпарат жалған – әкімдік

Әлеуметтік желілер арқылы жалған ақпарат тарауда

Елімізде ірі мегаполистер мен қалалардың карантинге жабылатыны туралы ақпаратты Алматы әкімдігі жоққа шығарды.

Айта кетейік, коронавирустың алдын алу мақсатында карантиндік шаралардың күшейтілетіні туралы ақпарат әлеуметтік желілер мен мессенджерлер арқылы тарап жатыр.

«Әлеуметтік желілер мен мессенджерлерде ағымдағы жылдың 30 маусымы сағат 00:01-ден бастап белгіленбеген мерзімге дейін қосымша шектеу шараларын енгізу, оның ішінде ірі сауда нысандарының және жаяу жүргіншілер аймақтарының, саябақтардың, скверлердің, қалаға кіріп-шығатын жолдардың жабылатыны туралы ақпараттың тарауына байланысты Алматы қаласының әкімдігі жанынан құрылған коронавирустың таралуын болдырмау жөніндегі Комиссия аталған ақпараттың шындыққа сәйкес келмейтінін ресми түрде мәлімдейді», - делінген әкімдіктің баспасөз қызметі таратқан хабарламада.

Алматыдағы коронавирустың таралуын болдырмау жөніндегі Комиссия қаланың ресми дереккөздерінде жарияланған ақпаратты ғана қолдануға шақырады. Сонымен бірге, жалған ақпаратты таратқаны үшін жауапкершілікке тартылатынын еске саламыз деп ескертті әкімдік.

Сұхбат
Юрий Ким адамдарды жаппай егу нәтижесінде індет 2023 жылы тоқтауы мүмкін дегенді айтты
Бүгінге дейін облыста COVID-19  вирусын жұқтырған 613 адам тіркелді
Бүгін сайлауалды үгіт-насихат жұмыстары тоқтады