ШұғылҚазақстанда маусым айында пневмониядан 628 адам қайтыс болды

COVID-19: Ақтөбеде жүкті әйел қайтыс болды

Марқұм небәрі 30 жаста болған

Фото ашық дереккөзден

Ақтөбеде коронавирус инфекциясы арқылы асқынған пневмония салдарынан жүкті әйел көз жұмды, деп жазады HolaNews  порталы облыс әкімінің кеңесшісі Әсет Қалиевке сілтеме жасап.

Қалиев қайтыс болған науқас жайлы сұраққа жауап бере келе, жүкті әйелдің өліміне не себеп болғанын айтты.

«Коронавирус инфекциясы аясында екіжақты пневмония, тыныс алу жетіспеушілігі дамыды, соның салдарынан көз жұмды. Науқас небәрі 30 жаста болды», — деп мәлімдеді Қалиев.

29 маусымдағы мәлімет бойынша, облыстағы провизорлық ауруханада 997 науқас бар, оның 27-сі жансақтау бөліміне жатқызылған, 10 адам жасанды тыныс алу аппаратына қосылған. 807 ақтөбелік күндізгі стационарда емделіп жатыр. Айдың басынан бері аймақта пневмониядан 47 адам көз жұмды. 

«Басым бөлігі 60 және одан да үлкен жастағы адамдар. Оларда қант диабеті, артериялық гипертензия, жүрек-қан тамырлары және басқа да аурулары болды», — деп түсіндірді ол.

Сондай-ақ, Қалиев өңірде медицина мамандарының тапшы екенін атап өтті. Пневмониямен ауыратын науқастарды емдеу үшін емханалардан, жеке клиникалардан мамандар тартылып жатыр. Сонымен қатар Батыс Қазақстан медицина университетінің басшылығымен бірге оқу орнының профессорлық-оқытушылық құрамын провизорлық ауруханаларға жіберу туралы шешім қабылданды.

Қазақстанда коронавирус індетінен қайтыс болғандардың саны 188-ге жетті.

Сұхбат
Юрий Ким адамдарды жаппай егу нәтижесінде індет 2023 жылы тоқтауы мүмкін дегенді айтты
Бүгінге дейін облыста COVID-19  вирусын жұқтырған 613 адам тіркелді
Бүгін сайлауалды үгіт-насихат жұмыстары тоқтады