ШұғылҚазақстанда өткен тәулікте 907 адамнан коронавирус анықталды

Ауылдағылар ПТР-тестті қалай тапсырады ?

Қазіргі уақытта министрлікте 7 жылжымалы мобильді зертхана жұмыс істейді

Денсаулық сақтау министрі Алексей Цой Үкімет 1,2 млн ПТР-тест  сатып алу үшін 1 миллиард теңге бөлгенін мәлім етті. Сондай-ақ, жаңа сайланған министрдің айтуынша, ауыл тұрғындарынан ПТР-тестті мобильді жылжымалы зертханалар алады, деп хабарлайды Azattyq Ruhy тілшісі.

«Қазіргі уақытта министрлікте 7 жылжымалы мобильді зертхана жұмыс істейді, шілде айында тағы 8 зертхана сатып алу көзделген. Олардың барлығы ауылдық жерлердегі COVID-19 зерттеуін қажет ететін адамдарға пайдаланылады. Сонымен қатар, ауылдық жерлердегі ветеринарлық және ауруханалық зертханалар коронавирусты зерттеуге бейімделетін болады»,-деді Цой.

Сонымен қатар, Алексей Цой ПТР-тесттердің Қазақстанға нақты қашан түсетінін айтпады. Тек Үкіметтен ПТР-тестіне 1 миллиард теңге бөлінгенін атап өтті.

 «Үкімет 1,2 млн тест сатып алу үшін 1 миллиард теңге бөлді. Тесттер қоры әрдайым толығып отырады. Тесттер жақын арада түседі. Қазақстанда қазіргі таңда 46 диагностикалық зертхана бар. Нұр-Сұлтан қаласында ғана күніне 10 мың тест жүргізуге болады. Зертханалардың қуаттылығын арттыру мақсатында тамыз айының соңына дейін 20 ПТР-анализатор сатып алу жоспарланып отыр», - деді ол.

Айжан Қалиева, Алматы

Сұхбат
Танымал психоаналитик Анна Құдияровамен сұхбат
Қазақстан ғалымдары КВИ-ге қарсы вакцинаны 45 күнде әзірлеген
1 шілдеде Қазақстанда Тұрғын үй құрылыс жинақ банкінің «Жас отбасы» жаңа бағдарламасы іске қосылды
Филология ғылымдарының кандидаты Ербол Тілешовпен латын әліпбиіне қатысты сұхбат