Қазақстан VS Бельгия: Астанада өтетін матчқа арнайы шаттл-автобустар қатынайды

Астанада Қазақстан мен Бельгия құрамалары арасындағы футбол матчына арнайы автобустар қатынайтын болды, деп хабарлайды Azattyq Rýhy.

«Астана Арена» стадионында матч 2025 жылдың 15 қарашасында өтеді. Жанкүйерлердің ыңғайлылығы үшін қала әкімдігі арнайы автобустар ұйымдастыратынын хабарлады.

Шаттл-автобустар төмендегі аялдамалардан жолға шығады:

• «Әзірет Сұлтан» мешітінің автотұрағы;
• «Астаналық цирк» автотұрағы;
• «Бас Мешіт» автотұрағы;
• «Орталық саябақ» автотұрағы;
• «Қазақстан» спорт кешенінің автотұрағы.

Автобустардың қозғалысы сағат 16:00-ден басталады.

«Әкімдік жанкүйерлерді өз ыңғайы мен қауіпсіздігі үшін ұйымдастырылған қоғамдық көлікті пайдалануға шақырады», – делінген хабарламада.