Қазақстанның жеті қаласында экология нашарлайды

Синоптиктердің мәліметінше, бүгін, 3 қазанда, елдің жеті қаласында ауа сапасы нашарлайды, деп хабарлайды Azattyq Rýhy.

Бұл зиянды қоспалардың ауада таралмай, жерге жақын қабатта жиналып қалуына ықпал ететін бірқатар ауа райы факторымен байланысты.

«2025 жылдың 3 қазанында қолайсыз метеожағдайлар Орал, Атырау, Ақтөбе, Алматы, Қарағанды, Теміртау және Жезқазған қалаларында күтіледі», – деп хабарлады «Қазгидромет» РМК.

Қолайсыз метеожағдайлар (ҚМЖ) – бұл мынадай ауа райы құбылыстары:

• Тымық ауа,
• әлсіз жел,
• тұман,
• температуралық инверсия.

Олар ластаушы заттардың таралуына кедергі келтіріп, шоғырлануына ықпал етеді. Бұл өз кезегінде ауа сапасының уақытша нашарлауына алып келеді, әсіресе тығыз құрылысы бар аудандар мен өнеркәсіптік аймақтарда байқалады.