Димаш Құдайберген АҚШ-та концерт өткізу үшін Нью-Йоркке барды

Нью-Йорктегі Джон Кеннеди халықаралық әуежайында Қазақстан мен Қырғызстанның халық әртісі Димаш Құдайбергенді жанкүйерлері ыстық ықыласпен қарсы алды, деп хабарлайды Azattyq Rýhy.

Тыңдармандары арнайы дайындалған сәнді образдарымен, ұлттық жалаушаларымен, төсбелгілерімен және баннерлерімен сүйікті әншісін қарсы алуға жиналды.

Жанкүйерлердің әсері

Dears қауымдастығы Димаштың әндерін қосып, биыл жазда хит болған «Tau Ishinde» әнін бірге шырқады.

Әншіні көрген сәтте жанкүйерлер оны ду қол шапалақпен қарсы алып, гүлдер мен сыйлықтар тарту етті.

Димаштың ықыласы

Димаш Құдайберген жанкүйерлерімен емен-жарқын сөйлесіп, автограф берді, бірге суретке түсіп, олармен бірге әйгілі «Besame Mucho» әнін орындады.

Көптен күткен концерт

5 қазанда Нью-Йорктің әйгілі Madison Square Garden сахнасында Димаштың «Stranger» атты жеке концерті өтеді. Бұл шоу әншінің әлемдік тыңдармандарына ерекше музыкалық кеш сыйламақ.