Қарағанды облысында өзеннен ер адамның қаңқасы табылды

«Асар» іздестіру-құтқару жасағының еріктілері Қарағанды облысының тұрғындарынан 23 қыркүйек күні Нұра ауданында табылған адамның жеке басын анықтауға көмек көрсетуін сұрады, деп хабарлайды Azattyq Rýhy.

Қаңқа сүйегі Құланөтпес ауылынан бес шақырым жердегі өзеннен табылған. Іздеушілердің мәліметінше, ер адамның үстінде сұр-жасыл түсті камуфляж шалбар, Armani белбеуі және Northland маркалы қара түсті кроссовка болған.

Ерекше белгі ретінде ауызының төменгі тұсында алдыңғы үш-төрт тісінің жоқтығы айтылды.

Еріктілер марқұм немесе оның туыстары туралы қандай да бір мәліметі бар жандарды «Асар» жасағына немесе құқық қорғау органдарына хабарласуға шақырады.