«Әйелін қызғанып қалды ма?»: Мейрамбек Бесбаевтың әрекеті талқыға түсті (ВИДЕО)

Белгілі әнші Мейрамбек Бесбаев пен актер Нұржан Төлендиевтің тойдағы әрекеті желі қолданушыларының талқысына түсті, деп хабарлайды Azattyq Rýhy.

«МузАрт» тобының мүшесі жуырда кенже қызы Айзияның 1 жасқа толған туған күнін дүркіретіп өткізді. Той барысында түсірілген сәттер әлеуметтік желіде жарияланып жатыр. Осындай видеолардың бірінде Мейрамбек Бесбаев пен актер Нұржан Төлендиевтің әрекетін жұрт талқыға салды.

Видеодан Мейрамбек Бесбаев әйелі Мархабат Бесбаева мен актер Нұржан Төлендиевтің бірге билеуіне қарсылық танытқандай кейіп білдіргенін байқауға болады.

«Мейрамбек Бесбаев әйелін Тукамен (ред. – актер Нұржан Төлендиев) билетпей қойды ма? Біртүрлі болып қалды», «Әйелін қызғанып қалды ма?», «Тука ішінен айтқан шығар, мен саған бірдеңе дедім бе, а? Бұтың қисық дедім бе? Мұрның пұшық дедім бе?», «Ортаны ашып берді билесін деп. Не болса соны жаза береді екен», «Қой қума! Нұржан оларды ортаға шақырды екеуің ортаға билеңдер деп тұр!» - деп жазды желі қолданушылары.