Үсік жүреді: 27 қыркүйекте Қазақстан бойынша дабылды ескерту жарияланды

Синоптиктер 27 қыркүйекте елордада, Шымкентте және Қазақстанның 17 облысында дабылды ескерту жариялады. Елдің басым бөлігінде найзағай ойнап, кей жерлерде қатты жаңбыр, бұршақ жаууы мүмкін, деп хабарлайды Azattyq Rýhy «Қазгидрометке» сілтеме жасап.

Астанада күндіз найзағай ойнайды. Оңтүстік-батыстан соғатын жел солтүстік-батысқа ауысады, күндіз екпіні 15-18 м/с.

Ақмола облысында күндіз батыста және солтүстікте кей жерлерде қатты жаңбыр, бұршақ жауады, дауыл соғады. Батыста және солтүстікте тұман түседі. Оңтүстік-батыстан соғатын жел солтүстік-батысқа ауысады, күндіз батыста, оңтүстікте, шығыста екпіні 15-20 м/с жетеді. Көкшетауда күндіз кей уақытта қатты жаңбыр жауады, бұршақ жаууы мүмкін. Оңтүстік-батыстан соғатын жел солтүстік-батысқа ауысады, түнде екпіні 15-20 м/с.

Солтүстік Қазақстан облысында күндіз солтүстікте және оңтүстік-батыста қатты жаңбыр, бұршақ жауады, дауыл соғады. Күндіз оңтүстікте және шығыста солтүстік-батыстан соғатын жел солтүстік-шығысқа ауысады, екпіні 15-20 м/с болады.

Қостанай облысында кей жерлерде жаңбыр жауады, күн күркірейді, батыста және шығыста бұршақ жаууы мүмкін. Солтүстікте түнде және таңертең тұман түседі. Солтүстіктен соғатын жел шығыста және оңтүстікте 15-20 м/с күшейеді. Солтүстікте түнде -2°C үсік жүреді. Оңтүстікте аса жоғары өрт қаупі сақталады.

Қарағанды ​​облысында түнде және таңертең шығыста тұман түседі. Күндіз батыста оңтүстік-батыстан соғатын желдің екпіні 15-18 м/с жетеді. Оңтүстікте жоғары өрт қаупі сақталады.

Ұлытау облысында күндіз батыста және солтүстікте оңтүстік-батыстан соғатын желдің екпіні 15-18 м/с жетеді. Оңтүстікте жоғары өрт қаупі сақталады.

Павлодар облысында күндіз батыста және солтүстікте найзағай ойнайды. Шығыста жоғары өрт қаупі сақталады.

Шығыс Қазақстан облысында түнде шығыста, күндіз батыста, солтүстікте, шығыста жел соғады, екпіні 15-20 м/с жетеді.

Абай облысында түнде оңтүстікте, күндіз батыста, оңтүстікте, орталық облыстарда желдің екпіні 15-20 м/с жетеді.

Ақтөбе облысында оңтүстікте жоғары өрт қаупі бар, батыс, солтүстік, солтүстік-шығыс, орталық аймақтарда өте жоғары өрт қаупі сақталады.

Атырау облысында түнде және таңертең батыста және солтүстікте тұман түседі. Солтүстікте, оңтүстікте және шығыста өте жоғары өрт қаупі сақталады, солтүстік-шығыста жоғары өрт қаупі сақталады. Атырауда төтенше өрт қаупі сақталады.

Маңғыстау облысында түнде батыс және орталық аймақтарда солтүстік және солтүстік-шығыстан соғатын желдің екпіні 15-18 м/с жетеді. Оңтүстік-шығыста жоғары өрт қаупі сақталады. Ақтауда түнде солтүстіктен соғатын желдің екпіні 15 м/с жетеді.

Батыс Қазақстан облысында түнде және батыста және солтүстікте тұман түседі, топырақ бетінде -2°C үсік жүреді. Батыста, оңтүстікте және шығыста өте жоғары өрт қаупі сақталады, солтүстікте жоғары өрт қаупі сақталады. Оралда түнде -2°С үсік жүреді, өрт қаупі жоғары болады.

Алматы облысының солтүстігінде өте жоғары өрт қаупі сақталады.

Жетісу облысында таулы аймақтарда оңтүстік-батыстан соғатын желдің екпіні 17-22 м/с жетеді.

Жамбыл облысының таулы аймақтарында түнде найзағай ойнап, таулы аймақтарда тұман түседі. Оңтүстік-батыстан соғатын желдің екпіні таулы аймақтарда 15-20 м/с жетеді. Батыс, солтүстік, орталық аймақтарда өте жоғары өрт қаупі сақталады.

Түркістан облысында шаңды дауыл соғады. Солтүстік және таулы аймақтарда оңтүстік-батыстан соғатын желдің екпіні 15-20 м/с жетеді. Өңірде аса жоғары өрт қаупі сақталады. Шымкент, Түркістан қалаларында өте жоғары өрт қаупі сақталады.

Қызылорда облысында күндіз солтүстіктен, оңтүстік-батыстан, батыстан екпіні 15-20 м/с жел соғады. Аса өрт қаупі сақталады.