Қазақстанда алдағы күндері 30 градус ыстық болады

«Қазгидромет» РМК алдағы бірнеше күнге арналған ауа райы болжамын жариялады, деп хабарлайды Azattyq Rýhy.

Синоптиктердің мәліметінше, алдағы күндері атмосфералық фронтальды бөліктер еліміздің басым бөлігінде ауа райының тұрақсыз сипатын сақтайды – жаңбыр, найзағай күтіледі.

26 қыркүйекте батыста, солтүстік-батыста, 27 қыркүйекте солтүстікте, солтүстік-батыста қатты жаңбыр, бұршақ, дауылдық жел болжанады. Республика бойынша желдің күшеюі күтіледі, шығыста және оңтүстік-шығыста түнгі және таңғы сағаттарда тұман түседі.

«Батыс өңірде түнде ауа температурасы 12-17-ден 2-7 жылыға дейін төмендейді, батыс пен солтүстікте 2 градусқа дейін үсік күтіледі, күндіз 20-28-ден 10-23 жылылыққа дейін.

Солтүстік-батыста түнде 7-15-тен 3-11 жылылыққа дейін, күндіз 23-29-дан 10-18 жылылыққа дейін.

Солтүстікте түнде 10-16-дан 5–13 жылылыққа дейін, күндіз 20-28-ден 12-25 жылылыққа дейін.

Орталықта түнде 5-13 жылылық, күндіз 20-25 жылылық.

Шығыста түнде 0-8-ден 7-15 жылылыққа дейін жоғарылайды, солтүстік пен шығыста 2 градусқа дейін үсік күтіледі, күндіз 15-25-тен 20-28 жылылыққа дейін.

Оңтүстікте түнде 5-15, күндіз 25-30 жылы.

Оңтүстік-шығыста түнде 5-13-тен 7-15 жылылыққа дейін жоғарылайды, күндіз 15-27-ден 22-30 жылылыққа дейін», – делінген синоптиктердің болжамында.