Шымкентте самокат жүргізіп жүрген 100-ден астам адам полицейлердің назарына ілікті

Шымкентте самокат жүргізіп жүрген 100-ден астам адам полицейлердің назарына ілігіп, айыппұл арқалады, деп хабарлайды Azattyq Rýhy.

Олар электрсамокаттарды жүргізу барысында жаяу жүргіншілер мен автокөлік жүргізушілеріне кедергі келтіріп, құқық бұзушылық жасаған. Осы үшін олар әкімшілік жауапкершілікке тартылды.

«Электрсамокаттарды пайдаланған соң, қайтадан арнайы тұрақтарға немесе жаяу жүргіншілер мен автокөлік жүргізушілеріне кедергі келтірмейтін орындарға қою қажеттігін еске саламыз.

Құқық бұзушылық анықталған жағдайда электрсамокаттарды соңғы пайдаланған азаматтар QR-код арқылы анықталып, әкімшілік жауапкершілікке тартылады», - делінген облыстық ПД хабарламасында.