Түркістан облысында той үстінде әншіні экс-қайын атасы ұрған: іске қатысты тың мәлімет жарияланды
Күдікті анықталып, полицияға жеткізілді
Түркістан облысында той үстінде әншіні экс-қайын атасы ұрған сәт әлеуметтік желіде жарияланды. Оқиғаға қатысты облыстық Полиция департаменті агенттік тілшісінің сауалына жауап берді, деп хабарлайды Azattyq Rýhy.
Түркістан облыстық Полиция департаментінің мәліметінше, аталған факті бойынша «ұрып-соғу» бабы бойынша қылмыстық іс қозғалды. Күдікті анықталып, полицияға жеткізілді.
Барлық мән-жайды анықтау мақсатында қажетті іс-шаралар жүргізіліп жатыр. Тергеу нәтижелері бойынша қолданыстағы заңнама аясында тиісті шешім қабылданады.
«Қылмыстық-процестік кодекстің 201-бабына сәйкес, өзге ақпарат тергеу мүддесіне байланысты жария етілмейді.
Полиция кез келген заңға қайшы әрекеттердің заң шеңберінде жауапкершілікке әкелетінін еске салады», - делінген Полиция департаментінің агенттік тілшісіне берген пікірінде.
Айта кетейік, Түркістан облысында той үстінде ән салып тұрған әншіні экс-қайын атасы оңдырмай ұрып құлатқаны туралы видео жарияланған болатын.
