«Ақмола облысынан Түрікменстанға «бруцеллез» жұққан ет тарады»: АШМ түсініктеме берді

Ауыл шаруашылығы министрлігі Түркіменстанға «бруцеллезбен зақымдалған ет жеткізілді» деген ақпаратты жоққа шығарды, деп хабарлайды Azattyq Rýhy.

Ресми мәлімдеме

Қазақстан Республикасының Ауыл шаруашылығы министрлігі Ветеринариялық бақылау және қадағалау комитеті түркіменстандық БАҚ-та жарияланған «Қазақстаннан бруцеллез жұқтқан ет әкелінді» деген ақпаратқа қатысты ресми түсініктеме берді.

Ведомствоның ресми хабарламасында:

«2025 жылы Қазақстаннан Түркіменстанға ет өнімдері экспортталмаған. Кейбір ақпарат көздерінде тараған Ақмола облысынан бруцеллез жұққан ет жеткізілді деген мәлімет шындыққа жанаспайды», – делінген.

Комитеттің ұстанымы

Құзырлы орган қоғамды әрдайым ресми дереккөздердің мәлімдемесіне сүйенуге шақырды.

Ақпараттың таралуы

Еске сала кетейік, бұған дейін «Хроники Туркменистана» басылымы Қазақстаннан әкелінген еттің Түркіменстандағы балалар үйлері мен балабақшаларға, сондай-ақ сауда желілеріне жеткізілгенін хабарлаған еді. Басылымның мәліметінше, өнімдер Ақмола облысынан шыққан деп көрсетілген.