$ 539.38  629.46  6.76
ҚАЗ
×
Бұл желілік ресурстың ақпараттық өнімдері 18 жастан асқан адамдарға арналған.

Қыз ұзату қауіпті шоуға айналды: Түркістанда жұрттың зәресін алған жүргізушілер көлігінен айырылды (ВИДЕО)

Полицейлер әлеуметтік желіні мониторингілеу барысында анықтады

Қыз ұзату қауіпті шоуға айналды: Түркістанда жұрттың зәресін алған жүргізушілер көлігінен айырылды (ВИДЕО)
Фото: Видеодан скрин

Түркістан облысында той кортежін ұйымдастырып, айналасына қауіп төндірген бірнеше жүргізуші жауапқа тартылды, деп хабарлайды Azattyq Rýhy.

Полиция қызметкерлерінің әлеуметтік желіні мониторингілеу барысында Түркістан облысындағы бірнеше автокөлік жүргізушісінің жол ережесін өрескел бұзғаны туралы видеоны анықтады.

Белгілі болғандай, бұл жағдай Сауран ауданында қыз ұзату тойы кезінде болған. Mercedes-benz, Toyotar және Nexia 5 жүргізушілері жазаланып, көліктері айыптұрағына қойылды. 

Құқық бұзушылар авариялық жағдай жасағаны, жолаушыларды тасымалдау жөніндегі талаптарды сақтамағаны, көлікті мемлекеттік тіркеу нөмірлерінсіз басқарғаны, маневр жасау ережелерін бұзғаны, сондай-ақ көлік құралдарына зақым келтіргені үшін жауапкершілікке тартылды.

Серіктес жаңалықтары