Алматының қай аудандарында енді тұрғын үй кешендері салынбайды

Президент Қасым-Жомарт Тоқаев Алматы қаласының әкімі Дархан Сатыбалдыны қабылдап, қаланың жоғарғы бөлігінде көпқабатты тұрғын үй мен нақты құрылысқа мораторий енгізуді тапсырған болатын. Осыған орай Алматы әкімдігінің баспасөз қызметі түсініктеме берді, деп хабарлайды Azattyq Rýhy.

Қай аудандарда құрылысқа тыйым салынады?

Алматы қаласының урбанистика және қала құрылысын жоспарлау басқармасының мәліметінше, мораторий мына аумақтарға қатысты:

• Талғар жолының оңтүстігі;
• Үлкен Алматы айналма жолы;
• Әл-Фараби даңғылы,
• Саин және Жандосов көшелері.

Инфрақұрылым – басты проблема

Бұл маңайда жоспарсыз құрылыс салдарынан бірнеше жүйелі мәселе туындаған:

• Әлеуметтік инфрақұрылым – мектеп пен аурухана жетіспейді;
• Су және кәріз жүйесі орталықтандырылмаған;
• Коммуникация желілері бірнеше монополистің бақылауында және артық жүктелген;
• Көлік инфрақұрылымы сұранысқа сай емес;
• Арық жүйесінің болмауы – жаңбырлы күндері су тасқынына себеп болады.

Топырақ көшкіні мен заңсыз құрылыс – қос қауіп

Таулы аумақтардағы топырақ ылғалданған кезде сел жүруі мүмкін. Бұған қоса заңсыз құрылыс, жасыл желектердің жойылуы, рұқсатсыз септиктерді қолдану – жағдайды ушықтыра түседі.