Туризм және спорт вице-министрі тағайындалды

Ол бұған дейін министрлікте департамент директоры лауазымын атқарды

Фото: Үкіметтің баспасөз қызметі

Қазақстан Республикасы Үкіметінің қаулысымен Бауыржан Серікбайұлы Рапиков туризм және спорт вице-министрі болып тағайындалды, деп хабарлайды Azattyq Rýhy.

1986 жылы Қарағанды облысында дүниеге келген. Қ.И. Сәтбаев атындағы Қазақ ұлттық техникалық университетін, «Тұран-Астана» университетін бітірген.

Еңбек жолын 2008 жылы Алматы қаласында «Алпроф» ЖШС-де программист болып бастады.

2009-2012 жылдары – «Казгидромет» РМК Ақпараттық технологиялар департаментінің жетекші инженері, басқарма бастығы, директоры.
2012-2013 жылдары – «Жер кадастры ғылыми-өндірістік орталығы» РМК «Мемжеркадастр ААЖ» жетекші маманы, басқарма бастығы.
2013-2015 жылдары – коммерциялық ұйымдарда жұмыс істеді.
2015-2016 жылдары – Қарағанды облысы әкімі аппаратының жанындағы «Қоғамдық келісім» КММ басшысы.
2017-2018 жылдары – «Самұрык-Қазына» корпоративтік университетінің IT жөніндегі бас менеджері.
2018-2020 жылдары – «Қазгидромет» РМК Ақпараттық технологиялар департаментінің директоры.
2020-2022 жылдары – Ақмола облысы әкімі аппаратының жанындағы Smаrt Aqmola КММ басшысы.
2022-2024 жылдары – Ақмола облысы цифрландыру және архивтер басқармасының басшысы.
2024 жылғы сәуірден бастап соңғы тағайындауға дейін ҚР Туризм және спорт министрлігі Цифрлық трансформация және мемлекеттік қызметтерді дамыту департаментінің директоры.