Түркістан облысында пневмонияға шалдыққандар күрт артты

Қазіргі таңда Түркістан қалалық орталық ауруханасына тұмау белгілерімен дәрігерлік көмекке азаматтар жиі жүгінуде. Науқастарда дене қызуының көтерілуі, жөтел және әлсіздік байқалады. Медициналық тексеру нәтижесінде науқастардан пневмония, яғни өкпенің қабынуы анықталуда, деп хабарлайды Түркістан облысының Өңірлік коммуникациялар қызметі.

«Ауруханаға түскен азаматтардан шұғыл түрде Covid-19 инфекциясына талдама алынады. Талдама анықталғанға дейін олар провизорлық бөлімде ем қабылдауда.  Теріс нәтижесі шыққандары аурухана бөлімдеріне жатқызылып, тиісті емдерін қабылдауда. Науқастар негізінен пневмонияға шалдыққан. Тексеру барысында коронавирус инфекциясына теріс нәтиже шығуда. Статистика бойынша қазіргі таңда  Түркістан облысы бойынша провизорлық ауруханаларда  121 науқас пневмониядан ем қабылдауда.  Жалпы, 87 азамат жазылып шыққан»,- делінген хабарламада.

Жалпы Түркістан қаласы бойынша 14.06.20ж. жағдай бойынша 129 КВИ анықталды, оның 62 жазылып шықты. 32 инфекциялық стационарда ем алып жатыр. Барлық кви ошақтарында дезинфекциялық құралдарды пайдалана отырып қорытынды залалсыздандыру жұмыстары жүргізілді.