Ауыр атлетика Олимпиада ойындарының бағдарламасынан шығарылуы мүмкін
Бұл туралы Халықаралық ауыр атлетика федерациясының (IWF) қызметі хабарлады
Егер Халықаралық ауыр атлетика федерациясының (IWF) қызметіне қатысты жалғасып жатқан тергеуде жемқорлық фактілері анықталса, ауыр атлетика Олимпиада ойындарының бағдарламасынан шығарылуы мүмкін, деп хабарлайды Azattyq Rýhy тілшісі Olympic.kz- ке сілтеме жасап.
Халықаралық ауыр атлетика федерациясының соңғы екі сайлау конгресінде сайлаушыларға пара беру өршігені анықталған, сонымен қатар 10 млн доллар алынып, оң нәтиже берген 40 допинг сынамасы жасырылған. Бұл ауыр атлетика бойынша сыбайлас жемқорлыққа қатысты тергеудің тәуелсіз тұжырымдары.
«Біз осы баяндамадан, атап айтқанда, допингке қарсы және басқаруға қатысты осы есепте көрсетілген іс-шараларға қатты алаңдаушылық білдіреміз. IWF қадағалау комиссиясының қорытындыларына байланысты біз қатаң шаралар қабылдау құқығын өзімізде қалдырамыз. Тек мұнымен ғана шектелмей, ауыр атлетиканы Олимпиада бағдарламасынан шығару туралы мәселені көтереміз», - деді ХОК президенті Томас Бах.
