Астананың орталық көшесі бірнеше күнге жабылып қалды

Астананың сол жағалауындағы Тұран даңғылының бір бөлігі бірнеше күнге жабылып қалды, деп хабарлайды Azattyq Rýhy.

Көлік және жол-көлік инфрақұрылымын дамыту басқармасы Тұран даңғылының Сығанақ көшесінен Сарайшық көшесіне дейінгі аралығына орташа жөндеу жүргізеді.

«Осыған байланысты, 10-15 маусым аралығында осы учаскедегі қозғалыс ішінара жабылатын болады. Бұл ретте көлік қозғалысы қаладан әуежайға қарай бір бағытта ғана ұйымдастырылатын болады.

Осы орайда, 2023 жылы Тұран даңғылы Тұлпар көпірінен Сарайшық көшесіне дейінгі учаскесінде, ал 2024 жылы Керей-Жәнібек хандар көшесінің Жұлдыз айналымына дейінгі учаскесінде жұмыс жүргізілген», - делінген хабарламада.

Жүргізушілер мен жаяу жүргіншілер қозғалыс бағытын алдын ала жоспарлауы және ықтимал өзгерістерді ескеруі қажет. Қауіпсіздікті қамтамасыз ету және қолайсыздықты азайту үшін уақытша жол белгілері мен көрсеткіштер орнатылатын болады.