Хаби Алонсо – «Реал Мадридтің» жаңа бас бапкері
Ол бұрын «Реал Мадридтің» ойыншысы болған
Мадридтің «Реал» футбол клубы ресми сайтында Хаби Алонсо команданың бас бапкері қызметіне тағайындалғанын мәлімдеді, деп хабарлайды Azattyq Rýhy.
Испаниялық маманмен келісімшарт 2028 жылдың 30 маусымына дейін жасалды. Ол өз қызметіне 2025 жылдың 1 маусымынан бастап кіріседі.
«Байердегі» табысты кезең
Алонсоның соңғы жаттықтырушы ретіндегі жұмыс орны — Германияның «Байер Леверкузен» клубы болды. 2022 жылдың қазан айында қызметіне кіріскен ол небәрі екі маусым ішінде клубты тарихи жетістіктерге жеткізді:
- Германия чемпионы атағы;
- Германия кубогы;
- Германия Суперкубогы.
«Реалдың» жастар академиясынан басталған бапкерлік жол
«Байерге» дейін Хаби Алонсо «Реал Мадридтің» жастар құрамында жаттықтырушы болып қызмет атқарған. Бұл кезеңде ол жас футболшылармен жұмыста өзін тәжірибелі әрі болашағы зор маман ретінде көрсетті.
«Реалдағы» ойыншы ретіндегі карьерасы
Алонсо ойыншы ретінде де «Реал» тарихында ерекше із қалдырды. Жартылай қорғаушы 2009-2014 жылдар аралығында «корольдік клубтың» намысын қорғаған:
- Барлығы 236 матчқа қатысты;
- 6 гол соқты;
- 31 нәтижелі пас берді.
