Текеліде жас жігіт өзенге ағып кете жаздады (ВИДЕО)

Жетісу облысының Текелі қаласында ер адам өзенге ағып кете жаздады, деп хабарлайды Azattyq Rýhy.

Оқиғаның видеосы Instagram желісіндегі krisp.tdk парақшасында жарияланды.

Видеоға назар аударсақ, жас жігіт өзеннің ортасында тұрған темір өткелдің үстіне шығып алып, суға секірмек болған. Оны өзімен бірге жүрген досы сүйреп, қауіпсіз жерге шығарып, құтқарып қалды.

Желіде таралған ақпаратқа сүйенсек, жас жігіттің 22 жаста болғаны айтылады.

«Оқиға орнында полиция, ТЖМ құтқарушылары, прокуратура өкілдері болды», - деп жазды видео авторы.

Айта кетейік, жуырда Жетісу облысында арқанмен өзеннің үстінен өтпек болып, алайда суға кеткен әскери қызметкердің мәйіті табылғаны хабарланған болатын.