Ішімдік сатудан бас тартқан: Ақтауда сатушы әйелді ұрып, қашып кеткен күдікті ұсталды (ВИДЕО)

Ақтау қаласында сатушы әйелді жағынан ұрып, артынша дүкеннен қашып кеткен күдікті ұсталды, деп хабарлайды Azattyq Rýhy.

Маңғыстау облыстық Полиция департаментінің мәліметінше, дүкенші сағат 23:00-ден кейін ішімдік сатудан бас тартқан.

Lada.kz мәліметінше, күдікті ұсталып, қазір қамауға алынған.

«Күдікті қолға түсті. Бұзақылық бойынша қылмыстық іс қозғалды. Ер адам уақытша ұстау изоляторына қамалды», - делінген облыстық ПД хабарламасында.

Айта кетейік, әлеуметтік желіде дүкенде болған оқыс оқиғаның видеосы тарағаны хабарланған болатын.