Эссекстегі оқиға: мәйіттер табылған жүк көлігі контрабандалық автоколоннаның бір бөлігі болуы мүмкін
Марқұм болған 39 адамның кім екені әлі анықталмаған
Ұлыбританияда 39 адамның өліміне қатысты тергеу жұмыстары жалғасып жатыр. Алдын ала болжам бойынша, марқұмдардың қатарында тек қытайлықтар ғана емес, Вьетнам азаматтары да болған деген күдік басым деп жазады BBC News.
Қазіргі таңда вьетнамдық полиция жоғалып кеткен азаматтардың туыстарынан ДНҚ үлгілерін алған.
Бұған дейін 5 күдіктінің ұсталғаны хабарланған болатын. Полиция олардың үшеуін кепілмен жіберілді. Олардың бірі Солтүстік Ирландия тұрғыны мен қалған екеуі Англияның Уоррингтон қаласының ерлі-зайыптылары – мәйіттер табылған жүк көлігінің иелері.
Ал, көлікті тізгіндеген 25 жастағы Мо Робинсон қамауда. Оған байқаусызда адам өлтірді, адам контрабандасымен айналысты және қаражат жымқырды деген айыптар тағылып отыр. Ол бүгін Челмсфорд қаласының сотында жауап береді.
Қазіргі таңда полиция аталған жүк көліктің үлкен контрабандалық операцияның бір бөлшегі болуы мүмкін деген болжамын айтып отыр. Контрабандалық колоннада үш жүк көлігі – барлығы 100-ге жуық адам болуы мүмкін.
Қазіргі таңда мәйіттердің кім екенін анықтау жұмыстары жүріп жатыр. Олардың ешбірінде құжат болмаған. Сондықтан, сот-медициналық сараптама саусақ іздері мен ДНҚ үлгілері, ерекше жарақат белгілері арқылы анықтамақ.
