Қазақстандық бойжеткен Оксфорд университетіне оқуға түсіп, қуаныштан көз жасына ерік берді (ВИДЕО)

Қазақстандық бойжеткен Меруерт Бижанова Оксфорд университетіне оқуға түсіп, қуаныштан көз жасына ерік берді, деп хабарлайды Azattyq Rýhy.

Бойжеткеннің айтуынша, ол Оксфорд университетінің докторантурасына қабылданды.

«Мен Оксфордқа докторантураға түстім. Әлемдегі ең беделді, танымал, ең үздік университет. Ол 2025 жылғы рейтинг бойынша ТОП-1 орында тұр.

Мұнда Стивен Хокинг оқыған, Гарри Поттер фильмі түсірілген, мұнда адамзаттың көзқарасын өзгерткен идеялар пайда болған.

Бұл университет Нобель сыйлығының иегерлерін көптеп шығарған, мұнда премьер-министрлер, философтар, жазушылар, ұлы ойшылдар білім алған», - дейді Меруерт Бижанова.