«Құсу, әлсіздік, іштің өтуі, ауыруы»: Бейнеуде астан уланған 11 оқушының жағдайы айтылды

Маңғыстау облысында мектеп оқушыларының астан улану оқиғасына қатысты Денсаулық сақтау министрлігі түсініктеме берді, деп хабарлайды Azattyq Rýhy.

Министрлік Маңғыстау облысының Бейнеу ауданындағы Манаш жалпы білім беретін мектебінің 12 оқушысының арасында тамақтан болатын топтық инфекциялық ауру фактісі бойынша тексеру басталғанын, санитариялық-профилактикалық іс-шаралар өткізу туралы қаулы шығарылғанын, әкімдіктің жанынан штаб құрылғанын мәлім етті.

Балалардың улануына байланысты Бейнеу аудандық полиция басқармасына, Маңғыстау облыстық полиция департаментіне, білім басқармасына, аудандық және облыстық прокуратураға хаттар жіберілді.

Бейнеу аудандық полиция басқармасы хабарламасының негізінде мектептің асханасы жабылды.

«Тергеу шеңберінде басқарма мамандары ҰСО Маңғыстау облысы филиалының мамандарын тарта отырып, тамақ өнімдерінің, судың, шайындылардың, дезқұралдардың сынамаларын іріктей және қызметкерлерді ішек инфекциясын тасымалдауға зерттеп-қарай отырып, нысанға шығуды жүзеге асырды, сынамалардың нәтижелері жұмыста.

Уланған амбулаториялық емделуде, медицина қызметкерлерінің бақылауында. Қабылдау бөлмесіне түскен кезде олар құсу, жалпы әлсіздік, іштің өтуі, іштің ауыруы, жағдайының қанағаттанарлық екені туралы шағымданды.

Сауалнамаға қатысқан мектеп оқушыларының ата-аналары ауруды мектептің асханасындағы сапасыз тамақпен байланыстырады, онда бастауыш сыныптардың 417 оқушысы ыстық тамақпен қамтылған», - делінген хабарламада.

Ведомство дерегінше, 460 бала зардап шеккен Мұнайлы ауданында балалардың жаппай улануына байланысты мектеп асханасын жалға алушыға қатысты қылмыстық іс аяқталып, материалдар сот органдарына берілген.

Айта кетейік, Маңғыстау облысы Бейнеу ауылының мектебінде 11 оқушы астан уланып, ауруханаға түскені хабарланған болатын.