Алматыда ер адам автобус ішінде бойжеткенге қарап мастурбация жасап, соңынан аңдыған (ВИДЕО)
Оқиға 2 сәуір күні кешкі уақытта болған
Алматыда ер адам автобус ішінде мастурбация жасап, бойжеткеннің соңынан аңдығаны туралы ақпарат тарады, деп хабарлайды Azattyq Rýhy.
Бойжеткеннің анасы әлеуметтік парақшалардың бірінде 2 сәуір күні кешкісін болған оқиға туралы айтып берді. Айтуынша қызы автобусқа мінгеннен кейін алдында отырған ер адам көзін алмай, ыржиып, жыныс мүшесін ұстап, мастурбация жасаған. Содан кейін назарын басқа қызға аударғанда, ол қорқып, алыстап кеткен.
«Ер адам өзінің арсыз қылығын төрт аялдама бойын жасап келді – Емцовтан Крылов аялдамасына дейін. Айтуынша, қызы Крылова аялдамасында түскенде ол да соңын ала бірге түскен. Қолына ойыншық ұстап, қыз балаға жақындай бастапты. Қыз бала қорқып кетіп, «Кет!» деп қатты айғайлап», – делінген хабарламада.
Аялдамада қатты шошыған бойжеткен бейтаныс жігітке жақындап, көмек сұраған. Алайда автобустан бірге түскен адам іздерінен қалмаған. Бейтаныс жігіт оны итеріп жібергенде ғана іздерінен еруді тоқтатқан.
Қыздың анасы автобустағы жолаушылардың ешқайсысы азғындық әрекет жасап отырған адамға мән бермей, қызына көмектеспегеніне ашуланған.
«Олар бұл күнделікті болып жатқан қалыпты жағдай сияқты бейқам отырды», - деп ашуланды қыз баланың анасы.
Алматы полициясы тергеу жүргізіп жатқанын хабарлады.
«Объективті мән-жайлар, сондай-ақ құқық бұзушының жеке басы міндетті түрде анықталып, Қазақстан Республикасының заңнамасына сәйкес шаралар қабылданатын болады. Осы оқиғаға қатысты бұрын полицияға өтініш, арыз немесе сигналдар болған жоқ», - деп жауап берді Алматы қалалық ПД баспасөз қызметі.
