Жәмилә Бақбергенова Азия чемпионы атанды

Қазақстандық балуан Жәмилә Бақбергенова әйелдер күресінен Азия чемпионатында алтын жүлдегер атанды, деп хабарлайды Azattyq Rýhy.

Азия біріншілігі Иорданияның Амман қаласында өтіп жатыр. Жәмилә Бақбергенова 72 келіге дейінгі салмақ дәрежесінде чемпион атанды.

Қазақстандық балуан финалдық бәсекеде Қытай спортшысы Юци Люден 4:1 есебімен басым түсті. Осылайша ол Азия чемпионатының төрт дүркін жеңімпазы атанды.

Айта кетейік, Қазақстан әйелдер құрамасы бұл чемпионатты екі жүлдемен аяқтады. Бұған дейін Зейнеп Баянова қола медаль иеленген болатын.

Еркін күрестен жарыстар 29 наурызда басталады.