Ақтөбеде 19 жылға сотталған студент пара бермек болғаны үшін тағы да істі болды
Ол осыған дейін есірткі зертханасын ашқаны үшін 19 жылға сотталған
Ақтөбеде бұрын есірткі зертханасын ұйымдастырып, кісі өлтіргені үшін 19 жылға сотталған атыраулық медицина факультетінің студенті тағы да істі болып, бірнеше жыл қосып алды. Бұл туралы Azattyq Rýhy агенттігі Atyrau Online Telegram каналына сілтеме жасап хабарлайды.
Бұл жолы оған тергеу изоляторының қызметкеріне пара бермек болды деген айып тағылды.
Стоматология факультетінің студенті Мейрамбек Сүйінғарин 2024 жылдың желтоқсанында мефедрон шығаратын зертхана құрып, кісі өлтіруге қатысы бар деген айып тағылған. Алайда, тергеу оның сот үкімі шығар алдында ұялы телефон өткізу үшін тергеу изоляторының күзетшісіне 70 мың теңге ұсынып, пара бермек болғанын анықтады.
Сот пара беру бойынша істі қарап, Сүйінғаринді кінәлі деп тапты. Оған қосымша жаза тағайындалды, бұл бас бостандығынан айырудың жалпы мерзімін ұзартты.
Осылайша, бұған дейін ауыр қылмыс жасағаны үшін сотталған студент енді тергеу барысында жасаған қылмысы үшін қосымша жазасын өтейтін болады.
