Қазақстанның үш облысында ауа райына байланысты жолдар жабылды

Қазақстанның үш облысында ауа райының қолайсыздығына байланысты тасжолдар жабылды, деп хабарлайды Azattyq Rýhy.

«ҚазАвтоЖол» мәліметінше, 14 наурыз күні ауа райының нашарлауына байланысты келесі республикалық автожол учаскелерінде қозғалысқа шектеу енгізілді:

Ақмола облысы:

• «Астана – Петропавл» автожолының 18-234 шақырым аралығы (Астана – Щучинск). Жүк көліктері үшін.

Абай облысы:

• «Алматы – Талдықорған – Өскемен – Шемонаиха – РФ шекарасы» автожолының 971-1013 шақырымы (Қалбатау а. – Шығыс Қазақстан облысының шекарасы). Барлық көлік түрлері үшін.

Шығыс Қазақстан облысы:

• «Алматы – Талдықорған – Өскемен – Шемонаиха – РФ шекарасы» автожолының 1013-1048 шақырымы (Абай облысының шекарасы – Ұлан а. бұрылысы). Барлық көлік түрлері үшін.

«ТЖМ қауіпсіздік шараларын сақтауға кеңес береді:

• Дауылды ескерту жариялаған кезде, әсіресе қараңғы уақытта алыс жерлерге сапарға шықпаңыздар, сол сияқты жаяу жүрмеңіздер.
• Ауа райы жағдайы мен автожолдардағы көлік қозғалысының шектеулері туралы ақпаратты бақылаңыздар», - делінген хабарламада.