Тағы да Алматы мен Өскемен: экологиясы нашар қалалар белгілі болды

«Қазгидромет» синоптиктерінің мәліметінше, 13 наурызда еліміздің төрт қаласында ауа сапасы нашар болады, деп хабарлайды Azattyq Rýhy.

«2025 жылғы 13 наурызда Өскемен, Шымкент, Алматы және Астана қалаларында ауаның ластануы бойынша қолайсыз метеорологиялық жағдайлар күтіліп отыр», - деп хабарлайды синоптиктер.

Қолайсыз метеорологиялық жағдайлар – атмосфералық ауаның беткі қабатында зиянды (ластаушы) заттардың жиналуына ықпал ететін қысқа мерзімді метеорологиялық факторлардың (тыныш, әлсіз жел, тұман, инверсия) жиынтығы. Егер бұл жағдай орнаса, елді мекендерде атмосфералық ауаның сапасы нашарлауы мүмкін.