Түркістан облысында мүгедек жігітті алыс туыстары зорлап кеткені туралы ақпарат тарады
Анасы жазған арызды полиция бастапқыда қабылдамай қойғаны туралы хабарланды
Түркістан облысында мүгедек жігітті зорлап кеткені туралы ақпарат жарияланды, деп хабарлайды Azattyq Rýhy.
«Немолчи» қорының мәліметінше, ол 24 жаста. Ал санасы жағынан 3-4 жас шамасында. Яғни, санай алмайды, күні мен уақытын білмейді, сәби сияқты ойлайды. Отбасы Шымкенттен екі сағаттық жерде орналасқан ауылда тұрады.
«Бұл оқиға туралы ауылдағы жұрттың бәрі біледі. Бала ауырғандықтан анасына 6 адамның не істегенін көрсеткен. Олар – 4 ересек және 2 кәмелетке толмаған. Оның бәрі бір уақытта емес, түрлі кезеңде болған. Соңғы жағдай ақпан айында болды.
Ал ол адамдар жасағандарын бірден мойындап, кешірім сұрады. Оның 4-еуі ерекше жігіттің алыс туыстары болып шықты. Оқиға туралы жігіттің әкесі білгенде оларды балғамен өлтіргісі келді. Ал олардың әкелері балалары үшін кешірім сұрап, істеген ісі үшін өздері жауапкершілікті көтеруі керек екенін айтты. Бүгінге дейін мұндай әділ ата-атаны алғаш рет көріп отырмыз.
Анасы полицияға арыз жазған. Алайда, арыз бастапқыда қабылданбаған (әдетте осындай болады). Полиция бөліміндегілер анасына БАҚ өкілдерімен сөйлеспе, ақпарат таратпа деп айтып, кері жағдайда айыппұл саламыз деп қорқытқан», - деп жазды «Немолчи» қоры.
