Семейде 10 жастағы қызды көлік қағып кетті

Ол ауруханаға жеткізілді

Фото: © istockphoto.com

Семейде 10 жастағы қызды жаяу жүргіншілер өткелінде көлік қағып кетті. Мектеп оқушысы ауруханаға жеткізілді, деп хабарлайды Azattyq Rýhy «Объектив Восток» басылымына сілтеме жасап.

Полицияның мәліметінше, Toyota маркалы автокөліктің 29 жастағы жүргізушісі жол қозғалысы ережелерін сақтамай, қыз баланы басып кеткен. Оқиға қаладағы Zeta дүкенінің маңында болған.

«Жүргізуші жолдағы қауіпсіздікке көз жеткізбестен, жаяу жүргіншілер өткелінен өтіп бара жатқан 10 жастағы қызды қағып кеткен. Қыз бала түрлі жарақаттармен ауруханаға жатқызылды», – деп хабарлады полиция департаментінің өкілдері.

Қазіргі таңда жол-көлік оқиғасына байланысты тергеу амалдары жүргізіліп жатыр.

Мақалада

#мектеп #Семей #жол апаты #полицейлер #мектеп оқушысы #жол-көлік апаты #аурухана #полиция #қыздар

Алдыңғы жаңалық

Ақтөбе облысында боран: полицейлер мыңға жуық көлікті алып жүрді